Wasiliana Nasi: info@tagla.go.tz | +255 22 2123705 / +255 22 2123709 / +255 22 223711

Emmanuel Tessua

Emmanuel Tessua

UkiwaTaGLA utapata vifaa anuwai vya mawasiliano kiteknolojia ikiwa ni pamoja na projekta, compyuta zilizounganishwa kwenye mkongo wa mawasiliano ya Intaneti. Kuna maabara mbili za vifaa anuwai vya mawasiliano, moja ina kompyuta 30 (Chumba cha Kilimanjaro cha Vifaa vya Mawasiliano ya Kiteknolojia) na nyingine ina kompyuta 18 (Chumba cha Mikumi cha Vifaa vya Mawasiliano ya Kiteknolojia). Hata hivyo, tuna kompyuta pakatwa (laptops) ambazo zinaweza kuunganishwa popote kwenye vyumba vyetu na kwenye maeneo ya wateja wetu pale inapohitajika.

Teknolojia ya Mikutano kwa Njia ya Video husaidia kuendesha mikutano miwili au zaidi kwa wakati mmoja na huwawezesha washiriki kuwasiliana kupitia video na kusikia sauti.TaGLA, ambayo inaongoza nchini Tanzania kwa kutoa huduma za mikutano kwa njia ya video, tuna uzoefu wa zaidi ya miaka kumi na tano (15) na tuna wataalamu wa kutosha katika uwanja huu, na hivyo tanafahamu kuifanya teknolojia hii kuwa rahisi kuitumia. Kutokana na uzoefu wetu, tunaweza kuandaa na kuratibu shughuli za mikutano kwa njia ya video katika mji wowote duniani. Pia tuna uwezo wa kuunganisha mifumo/maeneo ya mikutano video zaidi ya mawili kwa wakati mmoja. Aidha, tunaweza kuunganisha mifumo ya video iliyo katika IP na ile ya ISDN.  

Elimu ya masafa na mafunzo kwa njia ya mtandao ni mtindo mpya wa elimu duniani. Kutokana na mahitaji ya kikazi, mahitaji ya kukaa na familia na majukumu mengine huwakwamisha watu wengi kusafiri kwenda kusoma darasani. Teknolojia imewasaidia watu kusoma popote walipo, wakati wowote.

Usimamizi wa mitihani ya mtandaoni haipaswi kuwa tatizo tena kwani TaGLA inatoa huduma ya usimamizi wa mitihani kwa wanaofanya mitihani ya aina hii. Sisi ni kituo cha mitihani cha kuaminika kimataifa, na ni wasimamizi mahiri wa mitihani.

Je, unatukio lolote litakalofanyika Tanzania? Kwa nini wewe usiendelee kushughulikia mambo mengine muhimu na ukatuachia kuratibu tukio hilo? TaGLA wana uzoefu mkubwa wa kuratibu matukio na shughuli mbalimbali za kitaifa na kimataifa. 

Hiki ni chumba ambacho kipo ghorofa ya chini. Chumba hiki hutumika kwa ajili ya mahojiano kwa njia ya video, mikutano ya biashara, semina na warsha, mafunzo na mikutano ya kawaida na kina uwezo wa kukaa watu hadi 30 kwa wakati mmoja. Vifaa vyote ikiwamo projekta, intaneti, chati mgeuzo, ubao, n.k. vimo katika chumba hiki.

Maabara hii ipo ghorofa ya kwanza na inatumika kwa ajili ya mafunzo mbalimbali ya kikompyuta. Maabara ya Mikumi ina uwezo wa kuchukua washiriki hadi 20 kwa wakati mmoja. Maabara hii ina vyombo vyote muhimu vya mafunzo yanayohitaji vifaa muhimu vya mawasiliano ya kiteknolojia na mafunzo ya kikompyuta. Miunganisho iliyopo na upatikanaji wa mtandao wa data ya kielektroniki ya wadau vipo katika chumba hiki, hali inayoruhusu upatikanaji na utoaji wa mafunzo kuhusu mifumo mbalimbali ya taarifa iliyopo kwenye ofisi za wadau na intaneti.