Contact Us: info@tagla.go.tz | +255 22 2123705 / +255 22 2123709 / +255 22 223711

TaGLA imeendesha mafunzo ya siku tano kwa watumishi walio katika ajira rasmi  mjini Morogoro. Warsha hiyo ya siku tano inashirikisha washiriki kutoka taasisi mbalimbali hapa nchini. Baada ya warsha hiyo washiriki walikabidhiwa vyeti vya ushiriki.

Akitoa mafunzo hayo, mkufunzi  kiongozi Nd. Anselm Namala alisema lengo la mafunzo hayo ni kuwapa washiriki maarifa, mbinu na uzoefu wa jinsi ya kujiandaa vema na maisha baada ya kustaafu, kwani tafiti zimebaini kuwa wastaafu wengi hukumbwa na misukosuko ya kifedha, kiafya na kimaisha kwa ujumla. Moja kati ya sababu kubwa ya wastaafu kukumbwa na misukosuko hiyo na kushindwa kuihimili vema maisha ni kutokuwa na mipango madhubuti ya maisha baada ya kustaafu kazi.

 Mafunzo ya Kujiandaa na Maisha Baada ya Kustaafu Kazi yanalenga kumwezesha mfanyakazi kuanza kujiandaa kisaikolojia juu ya maisha baada ya kustaafu, kutoa elimu juu ya kuandaa mpango binafsi wa kustaafu, kutoa mbinu za kijasiriamali na stadi za maisha na kutoa elimu ya afya. Mafunzo hayo pia yalitoa fursa kwa washiriki kubadilishana ufahamu na uzoefu kutokana na mazingira watokayo, vilevile washiriki walipata fursa ya kutembelea miradi mbalimbali ya binafsi iliyofanikiwa kwa ajili ya kujionea uhalisia wa mafunzo hayo.

TaGLA inatoa wito kwa wadau kutembelea tovuti ya www.tagla.go.tz ili kujua mafunzo na huduma zitolewazo na wakala.

Wakala ya Mafunzo kwa njia ya Mtandao (TaGLA) imeendesha mdahalo juu  ya uzibuaji valvu ya Moyo ikishirikiana na Hospitali ya Continental ya nchini India ili kubadilishana uzoefu na wataalam wa nchini. Mdahalo huu uliendeshwa kwa masafa kutumia teknolojia ya videoconference.

Akizungumza katika mafunzo hayo ya uzibuaji wa Valvu ya Moyo Mkurugenzi Mtendaji wa wakala hiyo Charles Senkondo amesema kuwa katika mkutano huo watalaam wamepata uzoefu kutoka kwa Mkuu wa Cath Lab ya Hospitali ya Continental ya nchini India Profesa Bharath Purohit. Senkondo amesema kuwa tangu kuanza kwa midahalo kwa njia ya Mtandao kada mbalimbali zimepata mafunzo katika Mada zinazoandaliwa na taasisi zilizopo mbara ya Amerika, Ulaya na Asia kwa kushirikiana na wakala ya Mafunzo kwa njia ya Mtandao, TaGLA. Amesema wakala hiyo ndio inaongoza kwa nchi za Afrika katika uendeshaji wa midahalo na mafunzo kwa masafa.

Aidha amesema kuwa eneo hilo la uzibuaji valvu ya Moyo umekuwa na mwitikio mkubwa kwa upande wa madaktari wetu katika kupata uzoefu wa Hospitali ya Continental ya nchini India. Daktari Bingwa wa Moyo kutoka Taasisi ya Moyo ya Jakaya Kikwete JKCI 
Dr. Tatizo Waane amesema kuwa mafunzo hayo ni muhimu katika Sekta ya Afya kwa watalaam kupata ujuzi zaidi kutoka kwa wabobezi wa masuala ya magonjwa ya moyo na pia mafunzo hayo yanapunguza hata gharama za matibabu kwakuwa wataalamu wengi wanapopata mafunzo wanapata uzoefu na kufanya kazi nzuri ya kutibu magonjwa hayo hapahapa nyumbani.

Dr. Tatizo Waane ameongeza kuwa kuna kila sababu ya kuwa na mipango mahsusi ili kupata midahalo kama hii yenye manufaa kwa kada zote jambo ambalo litawezesha wataalam wa hapa nchini kupata weledi wa namna ya kukabili magonjwa ya moyo.

Kwa upande wa TaGLA, Senkondo ametoa wito kwa Watanzania kutumia huduma zinazotolewa na Wakala ili kuongeza ufahamu, kuongeza ubunifu na weledi ili kwenda sambamba na kasi ya kujenga taifa lenye uwezo wa kustahimili kujenga uchumi wa viwanda unaohitaji kujenga tabia ya kujijengea uwezo katika taasisi zatu za umma na sekta binafsi.

TaGLA imeendesha mafunzo ya siku tano kwa watumishi walio katika ajira rasmi  mjini Mrogoro. Warsha hiyo ya siku tano inashirikisha washiriki kutoka taasisi za hapa nchini. Baada ya warsha hiyo washiriki walikabidhiwa vyeti vya ushiriki.

Akitoa mafunzo hayo, mkufunzi  kiongozi Nd. Anselm Namala alisema lengo la mafunzo hayo ni kuwapa washiriki maarifa, mbinu na uzoefu wa jinsi ya kujiandaa vema na maisha baada ya kustaafu, kwani tafiti zimebaini kuwa wastaafu wengi hukumbwa na misukosuko ya kifedha, kiafya na kimaisha kwa ujumla. Moja kati ya sababu kubwa ya wastaafu kukumbwa na misukosuko hiyo na kushindwa kuihimili vema maisha ni kutokuwa na mipango madhubuti ya maisha baada ya kustaafu kazi.

Mafunzo ya Kujiandaa na Maisha Baada ya Kustaafu Kazi yanalenga kumwezesha mfanyakazi kuanza kujiandaa kisaikolojia juu ya maisha baada ya kustaafu, kutoa elimu juu ya kuandaa mpango binafsi wa kustaafu, kutoa mbinu za kijasiriamali na stadi za maisha na kutoa elimu ya afya. Mafunzo hayo pia yanatoa fursa kwa washiriki kubadilishana ufahamu na uzoefu kutokana na mazingira watokayo na kupata fursa ya kutembelea miradi ya binafsi iliyofanikiwa kwa ajili ya kujionea uhalisia wa mafunzo hayo.

TaGLA inatoa wito kwa wadau kutembelea tovuti ya www.tagla.go.tz ili kujua mafunzo na huduma zitolewazo na wakala.

TaGLA imeshiriki katika maonesho ya tatu ya viwanda nchini katika uwanja wa Mwl Julius K. Nyerere na kuvutia wadau wengi walioshiki na kutembelea maonesho hayo.

TaGLA imekuwa ikiwajengea uwezo wadau nchini kwa kuwapatia mafunzo na semina kwa kutumia wakufunzi mahiri na waliobobea wa ndani na nje ya nchi. Pamoja na mafunzo, Wakala inatoa jukwaa la mawasiliano kwa njia ya video (Video Conference) na kwa kuwa kauli mbiu ya serikali ya awamu ya tano ni kukuza uchumi wa viwanda, Wakala ina nia kuwezesha utumizi wa mawasiliano kwa wawekezaji. Wakala katika maonesho hayo ilielimisha na kuwashauri wadau umuhimu wa mtandao wa mawasiliano kwa njia ya video na jinsi gani mtandao huo unavyoweza kuchangia katika kukuza uchumi wa viwanda kwa wawekezaji mmoja mmoja na pia kuwaunganisha na kliniki za Biashara.

Akifungua maonesho hayo ya tatu ya viwanda nchini naibu waziri wa Viwanda, Biashara na Uwekezaji Mh. Mhandisi Stella M. Manyanya, akiwa katika banda la TaGLA alitoa pongezi kwa kuwajengea uwezo wadau na kuitangaza huduma ya mtandao wa mawasiliano kwa njia ya video (Video Conference) katika maonesho hayo. Aliwaagiza kwa nafasi iliyopo huduma ya mtandao wa mawasiliano kwa njia ya video (Video Conference) itumike pia kuwawezesha wenye viwanda kuongeza ufanisi na tija kwani huduma hiyo ina faida nyingi ikiwemo kuokoa muda, kuwakutanisha wadau wengi kwa wakati mmoja, maamuzi kufanyika kwa wakati, kuepukana na ajali za barabarani na kuongeza kasi ya uwekezaji kwa ujumla.

Naye Mkurugenzi Mtendaji wa TaGLA Ndg. Charles Senkondo alimshukuru naibu waziri kwa ufunguzi wa maonesho na kutembelea banda la TaGLA na kuahidi kutoa ushirikiano katika kukuza matumizi ya mtandao wa mawasiliano wa njia ya video (Video Conference) ili kufikia malengo ya kuwa na uchumi imara wa viwanda nchini.

TaGLA inatoa wito kwa wadau mbalimbali kutembelea tovuti ya www.tagla.go.tz ili kujua mafunzo na huduma zitolewazo na wakala.

Wakala ya Mafunzo kwa Njia ya Mtandao (TaGLA) kwa kushirikiana na Menejimenti ya Utumishi wa Umma na Utawala Bora yaendelea kuendesha mafunzo ya Mfumo wa Taarifa za Usimamizi wa Watumishi wa Umma (LAWSON) katika ofisi za TaGLA  jijini Dar es Salaam. Mafunzo hayo ya wiki mbili yanashirikisha maafisa rasilimali watu kutoka taasisi mbalimbali za umma, baada ya mafunzo hayo washiriki watakabidhiwa vyeti vya ushiriki.

Mafunzo hayo yataendeshwa na wakufunzi kutoka Menejimenti ya Utumishi wa Umma na Utawala Bora kwa kushirikiana na TaGLA, lengo kuu la mafunzo hayo ni kuwajengea uwezo maafisa rasilimali watu katika sekta ya Umma ili wawe na uwezo wa kuuelewa na kuutumia kwa ufanisi Mfumo wa Taarifa za Usimamizi wa Watumishi wa Umma (LAWSON) kwa kuhakikisha watumishi wapya serikalini wanaingizwa kwenye mfumo wa mshahara serikalini (payroll) kwa usahihi na kwa wakati, kuwawezesha waajiri na maafisa rasilimali watu na serikali kwa ujumla kuingiza taarifa za watumishi kwa usahihi katika mfumo wa malipo ili kusaidia katika kufanya maamuzi yenye tija, kuhakikisha mabadiliko ya mishahara kwa watumishi wa Umma yanafanyika kwa usahihi na kwa wakati, kuondoa urasimu wa kulipa tofauti ya mshahara wa mtumishi wa Umma (salary areas) na kuondoa tatizo la watumishi hewa (ghost workers) katika Utumishi wa Umma. Mafunzo hayo ya wiki mbili yataendeshwa katika maabara ya kisasa  ya kompyuta iliyopo katika ofisi za TaGLA jijini Dar es Salaam na kila mshiriki atatumia kompyuta moja kwa ajili ya kujifunza kwa vitendo jinsi mfumo wa huo wa LAWSON unavyofanya kazi.

TaGLA inatoa wito kwa wadau mbalimbali kutembelea tovuti yetu ya www.tagla.go.tz ili kujua mafunzo na huduma mbalimbali zitolewazo na wakala.

Wakala ya Mafunzo kwa  Njia ya Mtandao Tanzania (TaGLA) yapokea ugeni kutoka Wizara ya Mawasiliano, Sayansi na Teknolojia Idara ya TEHAMA mradi wa Serikali Mtandao kutoka nchini Lesotho. Ujumbe huo uliongozwa na Nd. Khiba Masiu ambaye ni mratibu wa mradi huo.

Akiwakaribisha wageni hao mbele ya watumishi wa TaGLA, Mkurugenzi Mtendaji wa TaGLA Nd. Charles Y. Senkondo alisema dhumuni kubwa la ujumbe huo ni kujifunza na kupata uzoefu kutoka TaGLA kwa kuwa Wakala imekuwa ikifanya vizuri  na kuwa kiungo bora kwa kuunganisha wanachama wa Mtandao wa Vituo vya Maendeleo barani Afrika (AADLC, www.aadlc.net) unaojumuisha nchi za Benin, Cote d’ Ivore, Kenya, Mali, Senegal, Tanzania na Uganda.

Kiongozi wa ujumbe huo Nd. Masiu aliwashukuru Watumishi wa TaGLA kwa mapokezi mazuri na aliendelea kusema ziara hiyo imekuwa sehemu ya kujifunza mambo mengi  ikiwemo jinsi ya kutumia teknolojia katika kubadilishana ujuzi na kufanya mafunzo kwa mtandao, na jinsi gani wanaweza kuanzisha wakala kama TaGLA nchini kwao.

Pamoja na kutembelea TaGLA, menejimenti ya TaGLA iliwawezesha wageni hao kujionea jinsi huduma ya Mawasiliano kwa njia ya Mtandao wa Video (Video Conference) unavyofanya kazi kwa kuwaunganisha kwenye mkutano wa moja kwa moja na Katibu Mkuu wa Utumishi jijini Dodoma , kuwaunganisha na vituo vingine vya AADLC kutoka nchini Kenya, Uganda na Mali, na walipata fursa ya kutembelea taasisi nyingine ambazo tunashirikiana na TaGLA.

Akifafanua faida walizoziona kwa kuwa na taasisi kama TaGLA ni pamoja na kuweza kuwa na mafunzo ya moja kwa moja yanayofikia walengwa wengi kwa gharama nafuu, kuweza kupata wataalam waliobobea katika fani muhimu za kiutumishi kokote duniani, kutumia teknolojia ya videoconference kwa ajili ya kufanya maamuzi jumuishi kwa wakati na hivyo kuchangia kuboresha utumishi wa umma ili kutoa huduma bora zinazihotajika.

Wakala ya mafunzo kwa njia ya mtandao (TaGLA) yaendesha mafunzo ya siku tano ya huduma bora kwa wateja mjini Morogoro. Mafunzo hayo yanashirikisha washiriki kutoka taasisi mbalimbali, baada ya kozi hiyo washiriki watakabidhiwa vyeti vya ushiriki.

Mkufunzi mkuu wa kozi hiyo Dkt. Yustin Bangi alisema lengo la mafunzo hayo ni kuwafundisha washiriki jinsi ya kuwahudumia wateja wakorofi, kujiamini kwenye maongezi ya simu, jinsi ya kuvutia wateja wapya na kuwaridhisha wateja waliopo ili waendelee kutumia huduma za taasisi husika. Vilevile kuwawezesha na kuwajengea washiriki uwezo zaidi wa kiutendaji na kuwaongeza ufanisi katika kuhudumia wateja kwa kutoa huduma bora ili kutimiza malengo na majukumu yao na vile vile kuendana na kasi ya sasa ya ukuaji wa uchumi na mapinduzi ya viwanda.

TaGLA inatoa wito kwa wadau mbalimbali kutembelea tovuti yetu ya www.tagla.go.tz ili kujua mafunzo na huduma mbalimbali zitolewazo na wakala.

TaGLA ni mwanachama wa Mtandao wa Vituo vya Mafunzo ya Maendeleo barani Afrika (AADLC). AADLC ina jukumu la kuwawezesha watoa maamuzi na wataalamu pamoja na watendaji kupata na kushirikishana uzoefu na ujuzi uliopo duniani  kupitia mifumo ya mawasiliano kwa njia ya mtandao.

Wakala ya Mafunzo kwa Njia ya Mtandao (TaGLA) inaiwakilisha Tanzania kwenye kongamano la kimataifa la Elimu Masafa barani Afrika  linalofanyika jijini Kigali nchini Rwanda.

Akifungua kongamano hilo mwenyekiti wa AADLC Ndg. Aliuo Mohamedi kutoka Mali alisema kongamano hilo linashirikisha vituo vya  Mtandao wa Mafunzo ya Maendeleo barani Afrika kutoka nchi mbalimbali.  Pamoja na ajenda kuu ya elimu masafa washiriki  pia walijadiliana masuala mbalimbali ya mtandao wao kwa lengo la kuuboresha mtandao huo ili ulete mageuzi na mapinduzi ya mawasiliano ya kiteknolojia barani Afrika, vile vile washiriki walibadilishana uzoefu, kwa mfano Dkt. Nfuka alifafanua jinsi TEHAMA  inavyotumika kama nyenzo wezeshi kwa kutumia lugha ya Kiswahili kwa Mfumo wa Ujifunzaji Kielektroniki (MUKI) kwenye  kutoa  mafunzo ya madiwani kwa njia ya elimu masafa nchini Tanzania ukizingatia vifaa walivyonavyo madiwani kwa kutumia simu zao za kiganjani kufanya  kila kitu: kusoma, kuangalia video, kutafakari, kufanya mazoezi, majadiliano, soga, kufanya mitihani na tathmini.

Nchi zinazoshiriki katika mkutano huo ni pamoja na Benin, Mali, Uganda, Kenya, Tanzania na Ivory Coast.

TaGLA inatoa wito kwa wadau mbalimbali kutembelea tovuti yetu ya www.tagla.go.tz ili kujua mafunzo na huduma mbalimbali zitolewazo na wakala.

Our Partners

Get to know the list of our valuable Partners and Clients, Please feel free to work with us.

 

The Government Executive Agency that is responsible for capacity building under the President’s Office Public Service Management.