Wasiliana Nasi: info@tagla.go.tz | +255 22 2123705 / +255 22 2123709 / +255 22 223711

Matumizi jumuishi ya TEHAMA huleta ufanisi katika kufikia malengo na kuweka mifumo ya majiji endelevu duniani, ikiwemo Tanzania. Hii ilibainika kupitia mada iliyowasilishwa na Dkt. Hee-Su Kim kutoka Chuo cha Maendelo cha Korea jijini Seoul, Korea ya Kusini kupitia mtandao wa videoconference, akitoa uzoefu wa nchini Korea Kusini juu ya jukwaa jipya na mapinduzi ya nne ya viwanda katika  kuleta maendeleo endelevu ya majiji  nchini Korea Kusini. Pamoja na mambo mengine , washiriki walibadilishana uzoefu na kuuliza maswali kuhusu mikakati ya kukuza majiji na kuleta mapinduzi ya viwanda ili  kufikia maendeleo endelevu katika majiji.

Baada ya semina hiyo washiriki wa Tanzania wakiongozwa na mkurugenzi mtendaji wa TaGLA, Nd. Charles Senkondo walibadilishana uzoefu  kwa kuchangia mawazo na hatua zipi zichukuliwe ili kutatua changamoto za miji na majiji yetu kwa kuiga mfano wa Korea Kusini ili isaidie ukuaji wa majiji yetu na kuleta mapinduzi ya viwanda. Washiriki waliona ipo haja ya kuandaa jukwaa la kitaifa na kuwashirikisha wadau kutoka sekta muhimu nchini ili kujadili suala la ukuaji wa miji na mapinduzi ya viwanda.

Semina hii ni muendelezo wa semina za Majji Endelevu, na  zitakuwepo kwa vipindi mfululizo mwaka huu.

Nchi zinazoshiriki katika semina hii ni pamoja na China, Vietnam, Philippines, Indonesia, Thailand, Bangladesh, Nepal, Sri Lanka, India, Tanzania na Korea Kusini.

Wito unatolewa kwa watanzania kutumia fursa hii ili kupata fursa ya kubadilishana mawazo na kubuni mbinu mpya za kuiwezesha Tanzania kuwa na majiji endelevu ya mfano kuweza kuiweka katika utayari wa kuwa nchi ya viwanda.

TaGLA imeendelea kuiwakilisha vyema Tanzania na bara la Afrika katika kushiriki Semina za Majiji Endelevu zilizoandaliwa kwa kushirikiana na Chuo cha Maendeleo nchini Korea Kusini kwa Njia ya Mtandao wa Mawasiliano ya Video (Video Conference).

Mada iliyowasilishwa na Jin Hwa Kim kutoka Chuo cha Maendelo cha Korea jijini Seoul, Korea ya Kusini ilitoa uzoefu wa kutoka nchini Korea Kusini katika kukuza majiji ya kiutawala ili kuleta maendeleo  kutokana na uzoefu wa Korea Kusini kuanzisha jiji la kiutawala la Sejong. Katika mjadala huu, maandalizi mahsusi yalifanyika kuhakikisha mazingira bora ya kuishi na kufanya kazi yanaendelezwa, huduma za kijamii zinaandaliwa na kutolewa katika kanda maalum za jiji na hatua maalum zinachukuliwa ili taasisi za elimu zianzishe matawi ya kuhudumia watumishi na familia zao.

Washiriki wa Tanzania kutoka Halmashauri za Majiji, sekta binafsi, mifuko ya hifadhi ya jamii na taasisi za elimu walishiriki kwa kuchangia uzoefu katika kutatua changamoto za majiji ya nchi zinazoendelea na kupata mrejesho kutoka Korea na nchi nyingine.

Semina hii ni muendelezo wa semina za Miji Endelevu, na  zitakuwepo kwa vipindi vingine vitatu kati ya sasa na Oktoba 2018, ikijumuisha tarehe 11 Septemba, tarehe 18 Septemba na tarehe 11 Oktoba 2018.

 Nchi zinazoshiriki katika semina hii ni pamoja na China, Vietnam, Philippines, Indonesia, Thailand, Bangladesh, Nepal, Sri Lanka, India, Tanzania na Korea Kusini. Washirki kutoka nchi hizo walipata wasaa wa kuuliza maswali na maswali yao yalijibiwa mubashara na mtoa mada kutoka  Korea Kusini kupitia njia ya mtandao wa mawasiliano ya video.

TaGLA  imekuwa kiungo muhimu katika jukwaa la mafunzo ya leseni ya kimataifa ya utumiaji kompyuta lililoshirikisha vituo tisa vya Tanzania ( Accredited Testing Centers)). Hii ilidhihirika wakati wa jukwaa hilo lililofanyika  kwa ufanisi mkubwa katika ofisi za Wakala zilizopo jijini Dar es Salaam.

Akiwakaribisha washiriki wa jukwaa hilo kwa niaba ya Mkurugenzi mtendaji wa TaGLA, Meneja wa Habari na Mafunzo Ndg. Dickson Mwanyika aliishukuru ICDL Afrika kwa kushirikiana na TaGLA katika kuandaa jukwaa hilo kwa kuwa litasaidia sana kuondoa changamoto , kutumia fursa zilizopo katika kupata ufumbuzi katika mafunzo ya kiteknolojia  na kuwataka washiriki wengine kutoka vituo vingine kushirikiana vyema ili kutatua changamoto zinazokabili  nchi yetu katika masuala ya matumizi ya teknolojia kurahisisha utoaji huduma.

Katika jukwaa hilo, mambo muhimu yalijadiliwa ni pamoja na  kuboresha huduma zitolewazo kwa kutumia TEHAMA, kujenga uwezo wa wanachama na kuongeza idadi ya wanachama barani Afrika.

TaGLA ni mojawapo kati ya vituo 9 vya Tanzania vilivyosajiliwa na  ICDL Afrika katika kutoa mafunzo na kufanyia mitihani ya leseni ya kimataifa ya utumiaji kompyuta.

Umuhimu wa uwiano wa makazi bora, elimu na miundombinu bora katika majiji wabainika katika semina ya Majiji Endelevu duniani huko Korea Kusini kupitia Wakala ya Mafunzo kwa Njia ya Mtandao Tanzania (TaGLA)

TaGLA imeendelea kuiwakilisha vyema Tanzania na bara la Afrika katika kushiriki Semina za Majiji Endelevu zilizoandaliwa kwa kushirikiana na Chuo cha Maendeleo nchini Korea Kusini kwa Njia Ya Mtandao wa Mawasiliano ya Video (Video Conference).

Akitoa taarifa fupi na kuwakaribisha washiriki kutoka taasisi mbalimbali kwenye semina hiyo iliyofanyika kwa njia ya mtandao jijini Dar es Salaam, Mkurugenzi Mtendaji wa TaGLA Nd. Charles Senkondo alieleza kuwa washiriki kutoka taasisi mbalimbali Tanzania watajumuika pamoja na washiriki  zaidi ya 160 kutoka nchi 11 duniani kubadilishana uzoefu kuhusu Majiji Endelevu.

 Mada iliyowasilishwa na Prof. Jeong – Ho Kim kutoka Chuo cha Maendelo cha Korea jijini Seoul, Korea ya Kusini ilitoa uzoefu wa kutoka nchini Korea Kusini katika kukuza majiji yao kimkakati ili kuweza kuvutia wawekezaji na kuleta maendeleo endelevu ya majiji hususan mpango mkakati wa maboresho ya serikali za mitaa, somo kutokana na sera na uzoefu wa jiji la Seoul. Katika mjadala huu, umuhimu wa uwiano wa makazi bora, elimu na miundombinu bora katika majiji vilibainika katika semina hii ya Majiji Endelevu duniani huko Korea Kusini. Maeneo mengine yaliyobainika ni pamoja na uwiano wa huduma za kijamii na uwezo wa eneo kujitegemea kifedha.

Washiriki wa Tanzania kutoka Halmashauri za Majiji, sekta binafsi, mifuko ya hifadhi ya jamii na taasisi za elimu walishiriki kwa kuchangia uzoefu katika kutatua changamoto za majiji ya nchi zinazoendelea na kupata mrejesho kutoka Korea na nchi nyingine.

Semina hii ni muendelezo wa semina za Miji Endelevu, na  zitakuwepo kwa vipindi vingine vinne kati ya sasa na Oktoba 2018, ikijumuisha tarehe 26 Julai, tarehe 11 Septemba, tarehe 18 Septemba na tarehe 11 Oktoba 2018.

 Nchi zinazoshiriki katika semina hii ni pamoja na China, Vietnam, Philippines, Indonesia, Thailand, Bangladesh, Nepal, Sri Lanka, India, Tanzania na Korea Kusini.

TaGLA ni wakala ya Serikali ya mafunzo kwa njia ya mtandao. Ni moja wapo kati ya mtandao wa vituo zaidi ya 120 duniani (www.gdln.org)

Wito unatolewa kwa watanzania kutumia fursa hii ili kupata fursa ya kubadilishana mawazo na kubuni mbinu mpya za kuweza kuiweka Tanzania katika utayari wa kuwa nchi ya viwanda.

Tanzania imekuwa kiungo muhimu katika utoaji huduma za mikutano na mafunzo kwa njia ya Video (Videoconference) kupitia huduma pekee za Wakala ya Mafunzo kwa Njia ya Mtandao (TaGLA). Hii ilidhihirika wakati wa Kikao cha Kazi kilichofanyika kwa ufanisi kupitia huduma ya Daraja Video itolewayo na TaGLA kwa kuunganisha wanachama wa Mtandao wa Vituo vya Maendeleo barani Afrika (AADLC, www.aadlc.net) uliojumuisha nchi za Benin, Cote d’ Ivore, Kenya, Mali, Senegal, Tanzania na Uganda.

Akiongoza Mkutano huo Mwenyekiti wake Ndg. Aliuo Mohamed kutoka Mali aliishukuru TaGLA kwa kuwa kiungo muhimu katika mtandao kwa kutoa huduma bora ya Daraja Video (Videoconference bridging) na kuwataka wanachama wengine kushirikiana vyema ili kutoa nyenzo ya ufanisi na kutatua changamoto zinazokabili  bara la Afrika.

Katika kikao hicho, mambo muhimu yalijadiliwa ikiwemo kuboresha huduma zitolewazo ikiwemo TEHAMA, kujenga uwezo wa wanachama na mbinu za kuongeza idadi ya wanachama barani Afrika.

TaGLA ni mwanachama wa AADLC na pia ni mwanachama wa GDLN (Global Development Learning Network) yenye vituo vya maendeleo zaidi ya 120 duniani.

Tafadhali tembelea tovuti yetu ya www.tagla.go.tz ili kujua mafunzo na huduma mbalimbali zitolewazo na Wakala.

Wakala ya Mafunzo kwa Njia ya Mtandao (TaGLA) imeendelea kuiwakilisha vema Tanzania na bara la Afrika kushiriki Semina za Miji Endelevu zilizoandaliwa kwa kushirikiana na Chuo cha Maendeleo nchini Korea Kusini kwa Njia Ya Mtandao wa Mawasiliano ya Video (Video Conference).

Akitoa taarifa fupi na kuwakaribisha washiriki kutoka taasisi mbalimbali kwenye semina hiyo iliyofanyika kwa njia ya mtandao jijini Dar es Salaam, Mkurugenzi Mtendaji wa TaGLA Nd. Charles Senkondo alieleza kuwa washiriki kutoka taasisi mbalimbali Tanzania watajumuika pamoja na washiriki  zaidi ya 160 kutoka nchi 11 duniani kubadilishana uzoefu kuhusu Majiji Endelevu.

 Mada iliyowasilishwa na Ndg. Byoung Ki Kim kutoka Chuo cha Maendelo cha Korea jijini Seoul, Korea ya Kusini ilitoa uzoefu wa nchini Korea Kusini katika kukuza majiji yao kimkakati ili kuweza kuvutia wawekezaji na kuleta maendeleo endelevu ya majiji hususan kutambulisha miradi ya jiji endelevu la Busan nchini Korea Kusini. Pamoja na mambo mengine , washiriki walibadilishana uzoefu kuhusu mikakati ya kuepuka majanga , kuwa na usalama kwa wakazi, kuondoa kero za usafiri na mawasiliano na kujumuisha anuai ili  kufikia maendeleo endelevu katika majiji. Ilibainika kuwa matumizi jumuishi ya TEHAMA huleta ufanisi katika kufikia malengo.

Washiriki wa Tanzania kutoka Halmashauri za Majiji, sekta binafsi, mifuko ya hifadhi ya jamii na taasisi za elimu walishiriki kwa kuchangia uzoefu katika kutatua changamoto za majiji ya nchi zinazoendelea na kupata mrejesho kutoka Korea na nchi nyingine.

Semina hii ni muendelezo wa semina za Miji Endelevu, na  zitakuwepo kwa vipindi vingine vitano kati ya sasa na Oktoba 2018, ikijumuisha tarehe 12 Julai, tarehe 26 Julai, tarehe 11 Septemba, tarehe 18 Septemba na tarehe 11 Oktoba 2018.

 Nchi zinazoshiriki katika semina hii ni pamoja na China, Vietnam, Philippines, Indonesia, Thailand, Bangladesh, Nepal, Sri Lanka, India, Tanzania na Korea Kusini.

TaGLA ni wakala ya Serikali ya mafunzo kwa njia ya mtandao. Ni moja wapo kati ya mtandao wa vituo zaidi ya 120 duniani (www.gdln.org)

Wito unatolewa kwa watanzania kutumia fursa hii ili kupata fursa ya kubadilishana mawazo na kubuni mbinu mpya za kuweza kuiweka Tanzania katika utayari wa kuwa nchi ya viwanda.

Imetolewa na:

Mkurugenzi Mtendaji

Wakala ya Mafunzo kwa Njia ya Mtandao,
IFM, Block A, Ghorofa ya Chini,
5 Mtaa wa Shaaban Robert,
S.L.P. 2287,
11101 Dar es Salaam, Tanzania

(+255 22) 2123705, 2123709, 223711

Fax: (+255 22) 2123702

      Anwani ya barua pepe hii inalindwa kutokana na spambots. JavaScript lazima iwe itawezeshwa kwa kuweza kuona.

 

Viongozi wamehimizwa kujinoa kwa kupata mafunzo ya uongozi na kubadilishana uzoefu wakati wa ufunguzi wa mafunzo ya kuwajengea uwezo wa Uongozi na Menejimenti ya Mabadiliko ya Tabia yanayofanyika katika ukumbi wa TaGLA jijini Arusha.

 Akifungua mafunzo hayo ya siku tano kwa  njia ya mtandao wa video akiwa katika ofisi za TaGLA Dar es Salaam, Mkurugenzi Mtendaji wa TaGLA, Nd. Charles Senkondo aliwakaribisha washiriki walioko jijini Arusha. Mkurugenzi Mtendaji aliwashukuru washiriki kwa kuhudhuria mafunzo hayo kwani anaamini washiriki wataleta  mabadiliko katika utendaji wao na katika sehemu zao za kazi baada ya kujengewa uwezo wa Kiuongozi na Menejimenti ya Mabadiliko ya Tabia. Alisisitiza umuhimu wa viongozi kujinoa kiuongozi ili kuweza kukabiliana na mabadiliko ya kiuchumi na kijamii.

 Mkufunzi kiongozi kutoka nchini India, Bw Avinaash Waikar alisema mafunzo hayo yatawawezesha washiriki kujitambua wenyewe kwanza kama viongozi na kuwaelewa wengine wanaowaongoza  ili kuleta mabadiliko chanya katika kutimiza malengo na majukumu ya yao na yale ya taasisi zao. Alieleza kuwa mafunzo hayo yatawawezesha washiriki kujua aina mbalimbali za uongozi na mbinu gani za uongozi wazitumie ili kuwahamasisha wanaowaongoza kubadilika na kuleta mafanikio.

Akiongea kwa niaba ya Washiriki wa mafunzo hayo akiwa Arusha, Mkurugenzi Mkuu wa TEMDO Mhandisi Kalutu Koshuma alieleza mategemeo yao ya kuzidi kujijengea uwezo wa kiungozi na kuleta ufanisi unaoendana na kasi ya kuwa na uchumi wa viwanda.

TaGLA inatoa wito kwa wadau mbalimbali kutembelea tovuti yetu ya www.tagla.go.tz  ili kujua mafunzo na huduma mbalimbali zitolewazo na wakala.

Wakala wa Mafunzo kwa Njia ya Mtandao Tanzania (TaGLA) imeendelea na program zake za kutoa mafunzo mbalimbali ya kuwajengea uwezo watanzania.

Washiriki wanawake kutoka taasisi mbalimbali za umma na sekta binafsi  wameshiriki katika mafunzo

hayo ya kuwajengea uwezo wa uongozi yaliyotolewa katika ukumbi wa TaGLA jijini Arusha.

Akifunga mafunzo hayo ya siku tano pamoja na kushuhudia zoezi la utoajiwa vyeti  kwa mtandao wa video akiwa katika ofisi za TaGLA Dar es Salaam, Mkurugenzi Mtendaji wa TaGLA, Nd. Charles Senkondo alieleza kuwa mafunzo hayo yalihudhuriwa na washiriki 14  kutoka taasisi 11 za umma na sekta binafsi. Mkurugenzi aliwapongeza washiriki kwa kuhudhuria mafunzo hayo kwani anaamini washiriki wataenda kuleta mabadiliko katika sehemu zao za kazi baada ya kujengewa uwezo kiuongozi. Alisisitisa kuwa mafunzo haya maalumu kwa ajili ya wanawake waliopo katika uongozi na wale wanaoandaliwa kuwa viongozi ni muhimu kwakuwa yanalenga kuwajengea uwezo wa kutatua changamoto pekee zinazowakwaza wanawake katika kujiendeleza kama viongozi.

Bi Shanta Nagendram kutoka Malaysia, akiongoza uendeshaji wa mafunzo hayo amewapongeza washiriki kwa kutumia muda wao wote  kujifunza mambo mbalimbali ya kuwajengea uwezo katika Nyanja za uongozi ikiwemo Kuongoza Kimkakati, Kujiamini, Kuwasilisha Mada, Kuondoa tabia zinazokinzana na Uongozi Bora, Maadili na Kujiongeza Muonekano.

TaGLA ilianzishwa chini ya Sheria ya Wakala za Serikali Sura ya 245 ikiwa na jukumu la kujenga uwezo wa watumishi wa umma na sekta binafsi kwa kutumia teknolojia na njia bunifu. Pia ni mwanachama wa Chama cha Vituo vya Mafunzo ya Maendeleo barani Afrika (AADLC) na Mtandao wa Mafunzo ya Maendeleo Duniani (GDLN) vyenye jukumu la kuwezesha watoa maamuzi na wataalamu pamoja na watendaji kupata na kushirikishana uzoefu na ujuzi uliopo duniani .

TaGLA inatoa wito kwa wadau mbalimbali kutembelea tovuti yetu ya www.tagla.go.tz  ili kujua mafunzo na huduma mbalimbali zitolewazo na wakala.