Wasiliana Nasi: info@tagla.go.tz | +255 22 2123705 / +255 22 2123709 / +255 22 223711

Wakala ya mafunzo kwa njia ya mtandao (TaGLA) imetoa mafunzo ya matumizi bora ya Mifumo ya Mawasiliano kwa Njia ya Video ikilenga kuongeza ufanisi katika utendaji kwa kutumia TEHAMA.

Akifungua mafunzo hayo mkurugenzi mtendaji wa TaGLA Ndg Charles Senkondo alisema mafunzo hayo ni ya kuwapa uwezo waandaji wa mafunzo, walengwa wa mafunzo na wana TEHAMA wanaowezesha mifumo ya mawasiliano kwa njia ya video.

Akiwasilisha mada wakati wa mafunzo hayo, Meneja TEHAMA wa Wakala Nd. Emmanuel Tessuaa alieleza faida za matumizi ya teknolojia hii ni pamoja na kuokoa muda, kupunguza gharama na usumbufu wa safari, kufikia walengwa wengi kwa wakati mmoja, kufikia maamuzi ndani ya muda mfupi, nk.

Alitoa wito kujiunga na mafunzo hayo ya siku moja ili kupata uelewa wa matumizi bora ya teknolojia ya mawasiliano kwa njia ya video (video conference) ili kuongeza ufanisi katika utendaji.

TaGLA ilianzishwa chini ya Sheria ya Wakala za Serikali Sura ya 245 ikiwa na jukumu la kujenga uwezo wa watumishi wa umma na sekta binafsi kwa kutumia teknolojia na njia bunifu. Pia ni mwanachama wa Chama cha Vituo vya Mafunzo ya Maendeleo barani Afrika (AADLC) na Mtandao wa Mafunzo ya Maendeleo Duniani (GDLN) vyenye jukumu la kuwezesha watoa maamuzi na wataalamu pamoja na watendaji kupata na kushirikishana uzoefu na ujuzi uliopo duniani .

TaGLA inatoa wito kwa wadau mbalimbali kutembelea tovuti yetu ya www.tagla.go.tz ili kujua mafunzo na huduma mbalimbali zitolewazo na wakala.

Wakala ya mafunzo kwa njia ya mtandao (TaGLA) yafungua warsha ya siku tano ya mafunzo ya mfumo wa wazi wa ukaguzi na utathmini (OPRAS)  jijini Tanga. Warsha hiyo ya siku tano inashirikisha washiriki 16 baada ya warsha hiyo washiriki watakabidhiwa vyeti vya ushiriki.

TaGLA ilianzishwa chini ya Sheria ya Wakala za Serikali Sura ya 245 ikiwa na jukumu la kujenga uwezo wa watumishi wa umma na sekta binafsi kwa kutumia teknolojia na njia bunifu. Pia ni mwanachama wa Chama cha Vituo vya Mafunzo ya Maendeleo barani Afrika (AADLC) na Mtandao wa Mafunzo ya Maendeleo Duniani (GDLN) vyenye jukumu la kuwezesha watoa maamuzi na wataalamu pamoja na watendaji kupata na kushirikishana uzoefu na ujuzi uliopo duniani .

TaGLA inatoa wito kwa wadau mbalimbali kutembelea tovuti yetu ya www.tagla.go.tz ili kujua mafunzo na huduma mbalimbali zitolewazo na wakala.

Wakala ya Mafunzo kwa Njia ya Mtandao (TaGLA) imewezesha Tanzania kuwa nchi pekee barani Afrika kushiriki Semina za Miji Endelevu zilizoandaliwa kwa kushirikiana na Chuo cha Maendeleo nchini Korea Kusini.

Akitoa taarifa fupi baada ya semina hiyo, Mkurugenzi Mtendaji wa TaGLA Nd. Charles Senkondo alieleza kuwa washiriki 22 kutoka Tanzania walijumuika pamoja na washiriki  zaidi ya 140 kutoka nchi 11 duniani.

 Akiwasilisha mada, Prof. Heungsuk Choi alieleza uzoefu wa nchini Korea Kusini katika kukuza majiji yao kimkakati ili kuweza kuvutia wawekezaji na kuleta maendeleo endelevu ya majiji.

Muendelezo wa semina hizi utakuwepo kwa vipindi vingine sita kati ya sasa na Oktoba 2018, inayofuata imeratibiwa  kufanyika tarehe 26 Juni 2018.

 Nchi zilizoshiriki katika semina hii ni pamoja na China, Vietnam, Philippines, Indonesia, Thailand, Bangladesh, Nepal, Sri Lanka, India, Tanzania na Korea Kusini.

TaGLA ni wakala ya Serikali ya mafunzo kwa njia ya mtandao. Ni moja wapo kati ya mtandao wa vituo zaidi ya 120 duniani (www.gdln.org)

Wito unatolewa kwa watanzania kutumia fursa hii.

Msajili wa Hazina kwa kushirikiana na Wakala ya Mafunzo kwa Njia ya Mtandao (TaGLA) waliandaa mafunzo kwa Watendaji wakuu, Wajumbe wa Bodi za Taasisi na Mashirika ya Umma. Mafunzo hayo yalijikita katika maeneo ya kukumbushana Majukumu yao katika utendaji kazi wa kila siku uwajibikaji na utawala bora, katika Mafunzo hayo Mgeni rasmi alikuwa Naibu Katibu Mkuu Bibi. Amina Kh. Shaabani.  

Mheshimiwa Bi. Amina alisema mtakumbuka kuwa, kuanzia miaka ya 1990, Serikali iliamua kurekebisha Mashirika ya Umma kwa lengo la kuyapa ufanisi ili yaendane na kasi ya mabadiliko makubwa ya kiuchumi yanayoendelea duniani katika mifumo ya uchumi, biashara, jamii, na hata uendeshwaji wa shughuli za Serikali ambapo mabadiliko haya yamesababisha Serikali yetu iendelee kuboresha uendeshaji wa Taasisi na Mashirika ya Umma. Katika kutekeleza lengo hili, tulivunja SCOPO mwaka 1992 na kuhamishia majukumu yake mengi Ofisi ya Msajili wa Hazina na tukatunga Sheria ya Mashirika ya Umma ya mwaka 1992 na marekebisho yake ya mwaka 1993 na 2010 ili kuboresha usimamizi na kuleta tija katika Taasisi na Mashirika ya Umma.

Mgeni rasmi Bi Amina alisema kuwa, mwezi Mei 2010, Bunge la Jamhuri ya Muungano wa Tanzania lilirekebisha Sheria ya Msajili wa Hazina Sura 370 ya mwaka 2002 na kuifanya Ofisi inayojitegemea ili kuboresha uendeshaji na usimamizi wa Taasisi na Mashirika ya Umma katika dhana nzima ya kuruhusu ushindani katika soko la Uchumi huria. Tumelazimika leo kuwa na mafunzo haya ili kukumbushana Majukumu ya Watendaji wa Mashirika na Taasisi za Umma Pamoja na Bodi za Wakurugenzi. Aliendelea kuwa, kama mnavyofahamu, kufuatana na Sheria mbalimbali zinazounda Mashirika ya Umma, kila Shirika lina Mtendaji Mkuu pamoja na Bodi ya Wakurugenzi ambayo ina wajibu wa kuiongoza Menejimenti katika utekelezaji wa .......

Balozi Ombeni Sefue, Mwenyekiti wa Bodi ya Jumuiya ya Watoa Huduma za Mafuta na Gesi Tanzania (ATOGS) aonyesha njia rahisi ya kuokoa muda,  adha ya safari na gharama kwa kutoa mada juu ya Utawala wa Mafuta na Gesi kwa kutumia teknolojia ya videoconference wakati wa mafunzo yaliyoandaliwa na Wakala ya Mafunzo kwa Njia ya Mtandao, TaGLA.

Mafunzo hayo yaliyoratibiwa na TaGLA yamejumusiha washiriki kutoka taasisi mbalimbali zinazohusika katika masuala ya mafuta na gesi katika kumbi za Wakala hiyo jijini Arusha.

Akiwasilisha mada kwa njia ya Mtandao, Balozi Sefue amesisitiza umuhimu wa kuwajengea uwezo watendaji na Watanzania kwa ujumla ili kuweza kushiriki kukamilifu katika fursa zinazoletwa na uvumbuzi wa mafuta na gesi.

Balozi sefue ameshukuru TaGLA kwa huduma bora za mtandao wa videoconference unaowezesha kuongeza ufanisi na kuondoa adha za kusafiri. Alisema kuwa, kwa kutumia huduma hii, aliweza kuongea na kuwasilisha mada akiwa TaGLA Dar es Salaam  kwa ufanisi , na kuwa na nafasi ya kujadiliana na washiriki walioko Arusha.

Balozi Sefue alisisitiza kuwa katika suala zima la Usimamizi na Utawala Bora wa rasilimali zetu hasa “Mafuta na Gesi” inabidi kushirikisha wadau wote na wananchi kwa ujumla namna ya kutumia rasilimali hii baada ya kuipata ili isaidie nchi kwa miaka kwa faida ya vizazi vijavyo ijayo hata rasilimali zinakapokuwa zimeisha. Alisisitiza jambo moja kuwa Watanzania tunahitaji kujifunza kwa upande wa rasilimali zetu, usemi unaosema “Usinisaidie kufanya yote bali niachie nifanye mwenyewe” kwa lugha ya kigeni “Don’t do it for me, Give me capacity to do it myself”.

Kwa upande wa washiriki walioko Arusha, walifurahi sana kupata uwasilisho kutoka kwa Balozi  kuwa umejikita katika maeneo muhimu ambayo ndiyo changamoto katika nchi yetu hasa tunavyojiandaa na ugunduzi wa mafuta na gesi asilia. Jambo moja la kuangalia ni fursa zipi ambazo Watanzania wajiandae kuzichukua na muhimu zaidi kujua mapema ni maeneo gani ambayo huduma gani zitakazohitajika wakati wa utekelezaji wa miradi hiyo mikubwa hasa.

Kwa upande wake , Mkurugenzi Mtendaji wa TaGLA  Bw. Charles Senkondo, ametoa wito wa watanzania kuendelea kutumia huduma za Wakala hiyo ili kuendana na kasi ya maendeleo inayohitajika kwa kuokoa muda na gharama zinazoweza kuepukika kwa kutumia huduma za wakala. Wakala ya Mafunzo kwa njia ya Mtandao ilianzishwa mwaka 2011 chini ya Ofisi ya Rais Utumushi ikiwa na majukumu ya kutoa nafasi pekee ya kimataifa kwa ajili ya mafunzo ya maendeleo kwa Watanzania na kuwezesha ukuaji wa taaluma mbalimbali kupitia mitandao ya maendeleo duniani.

Hayo yalisemwa na Mkurugenzi Mtendaji wa Wakala ya Mafunzo kwa Njia ya Mtandao (TaGLA) Bw.   Charles Senkondo wakati wa hafla fupi iliyofanyika katika kumbi  za Wakala wakati wa kuadhimisha Siku ya Wanawake Duniani.

Bw. Senkondo aliainisha uwezo wa Wakala kama nyenzo ya kujenga uwezo kwa Wanawake kwa zaidi ya miaka 17 sasa ikitoa fursa za kushiriki katika mafunzo, midahalo na kuongeza ufanisi katika utendaji kwa kutumia teknolojia ya mikutano kwa njia ya video na maabara za Kompyuta.  Alieleza kuwa teknolojia hizi zinawezesha Wanawake kuepuka adha ya kuachana na familia zao ili kusafiri mbali au nje ya nchi, kushiriki mafunzo yaliyoandaliwa na mabingwa waliobobea duniani kwa gharama nafuu.

Pia alieleza kuwa kwa kutumia mtandao wa Wakala imewezekana  kuwashirikisha wanawake wengi zaidi katika maamuzi na kuboresha weledi katika uongozi.

Serikali kupitia Wizara ya Viwanda, Biashara na Uwekezaji (VBU) inajipanga kuanzisha Zahanati za Biashara nchini. Hayo yamesemwa na Naibu Waziri wa Viwanda, Biashara na Uwekezaji, Mh. Injinia Stella Manyanya wakati wa ufunguzi wa mfululizo wa vikao vya kazi (kwa njia ya Video) kati ya Wizara ya VBU, taasisi zilizopo chini ya Wizara ya VBU na Sekretarieti za Mikoa.

Akifafanua kuhusu Zahanati za Viwanda, Mh. Injinia Manyanya alisema biashara na uwekezaji, kama walivyo binadamu, zinahidaji kuwa na afya ili viweze kuwa na “afya” na kuleta matokeo yaliyotarajiwa. Hivyo Serikali kupitia Wizara, imedhamiria kuona biashara na viwanda vilivyoanzishwa havifi ili kutimiza azma ya Serikali kuwa na Tanzania ya Viwanda.

Wakati wa Vikao hivyo, Wakala ya Usajili wa Biashara na Leseni (BRELA) iliwasilisha mada kuhusu Milki Ubunifu na Maendeleo ya Viwanda, ambapo ilielezwa namna hataza (Ulinzi wa vumbuzi) inaweza kuchochea vumbuzi na maendeleo ya viwanda nchini.

Mikutano hii kwa njia ya video, imeratibiwa na Wakala ya Mafunzo kwa Njia ya Video (www.tagla.go.tz), ambapo vituo 7 viliungwanishwa kwenye awamu ya kwanza ya mfululizo wa mikutano hii. Vituo vilivyounganishwa ni pamoja na Dar es Salaam (Wakala ya Mafunzo kwa Njia ya Mtandao), Dodoma (TAMISEMI), Kilimanjaro, Kigoma, Lindi, Singida na Pwani.

Mahakama nchini imeendelea kutumia Teknolojia ya Habari na Mawasiliano (TEHAMA) katika shughuli zake mbalimbali, ambapo kwa siku mbili mfululizo mashauri tofauti yalisikilizwa kwa kutumia teknolojia ya mawasiliano kwa njia ya video (Video Conference).

Katika shauri la kwanza, Mahakama Kuu, Kitengo cha Biashara ilisikikila kesi namba 80 ya mwaka 2015 kwa kutumia teknolojia hii, ambapo shahidi muhimu katika shauri hili aliunganishwa kutoka nchini Kanada. Na katika shauri jingine, Mahakama Kuu ilisikiliza kesi ya madai (Civil Case) namba 225 ya mwaka 2013 ambapo shahidi wa kesi hii alikua nchini Uswisi (Switzerland), na mahakama zilihamia kwa muda kwenye kumbi za mikutano kwa njia ya video za Wakala ya Mafunzo kwa Njia ya Mtandao (TaGLA). 

Wakizungumza kwa nyakati tofauti majaji wanaosikiliza kesi hizi wamesema teknolojia hii itawezesha kusikilizwa kwa mashahidi na hatimae kumalizwa kwa mashauri hayo na mengine ambayo ni ya muda mrefu.

 Teknolojia ya mawasiliano kwa njia ya video, ni teknolojia inayowezesha washiriki kutoka vituo viwili au zaidi kuwasiliana kwa kuonana (video) na kusikilizana. Wakala ya Mafunzo kwa Njia ya Mtandao (TaGLA) imekua ikitoa huduma hizi tangu mwaka 2000 ambapo teknolojia hii imekua ikitumika kwa shughuli mbalimbali kama mikutano ya kawaida, kusikilizwa kwa kesi mbalimbali, usaili, uwasilisho wa miradi na maandiko, midahalo, mafunzo, kuonana na madakrari bingwa, n.k.