Wasiliana Nasi: info@tagla.go.tz | +255 22 2123705 / +255 22 2123709 / +255 22 223711

Balozi Ombeni Sefue, Mwenyekiti wa Bodi ya Jumuiya ya Watoa Huduma za Mafuta na Gesi Tanzania (ATOGS) aonyesha njia rahisi ya kuokoa muda,  adha ya safari na gharama kwa kutoa mada juu ya Utawala wa Mafuta na Gesi kwa kutumia teknolojia ya videoconference wakati wa mafunzo yaliyoandaliwa na Wakala ya Mafunzo kwa Njia ya Mtandao, TaGLA.

Mafunzo hayo yaliyoratibiwa na TaGLA yamejumusiha washiriki kutoka taasisi mbalimbali zinazohusika katika masuala ya mafuta na gesi katika kumbi za Wakala hiyo jijini Arusha.

Akiwasilisha mada kwa njia ya Mtandao, Balozi Sefue amesisitiza umuhimu wa kuwajengea uwezo watendaji na Watanzania kwa ujumla ili kuweza kushiriki kukamilifu katika fursa zinazoletwa na uvumbuzi wa mafuta na gesi.

Balozi sefue ameshukuru TaGLA kwa huduma bora za mtandao wa videoconference unaowezesha kuongeza ufanisi na kuondoa adha za kusafiri. Alisema kuwa, kwa kutumia huduma hii, aliweza kuongea na kuwasilisha mada akiwa TaGLA Dar es Salaam  kwa ufanisi , na kuwa na nafasi ya kujadiliana na washiriki walioko Arusha.

Balozi Sefue alisisitiza kuwa katika suala zima la Usimamizi na Utawala Bora wa rasilimali zetu hasa “Mafuta na Gesi” inabidi kushirikisha wadau wote na wananchi kwa ujumla namna ya kutumia rasilimali hii baada ya kuipata ili isaidie nchi kwa miaka kwa faida ya vizazi vijavyo ijayo hata rasilimali zinakapokuwa zimeisha. Alisisitiza jambo moja kuwa Watanzania tunahitaji kujifunza kwa upande wa rasilimali zetu, usemi unaosema “Usinisaidie kufanya yote bali niachie nifanye mwenyewe” kwa lugha ya kigeni “Don’t do it for me, Give me capacity to do it myself”.

Kwa upande wa washiriki walioko Arusha, walifurahi sana kupata uwasilisho kutoka kwa Balozi  kuwa umejikita katika maeneo muhimu ambayo ndiyo changamoto katika nchi yetu hasa tunavyojiandaa na ugunduzi wa mafuta na gesi asilia. Jambo moja la kuangalia ni fursa zipi ambazo Watanzania wajiandae kuzichukua na muhimu zaidi kujua mapema ni maeneo gani ambayo huduma gani zitakazohitajika wakati wa utekelezaji wa miradi hiyo mikubwa hasa.

Kwa upande wake , Mkurugenzi Mtendaji wa TaGLA  Bw. Charles Senkondo, ametoa wito wa watanzania kuendelea kutumia huduma za Wakala hiyo ili kuendana na kasi ya maendeleo inayohitajika kwa kuokoa muda na gharama zinazoweza kuepukika kwa kutumia huduma za wakala. Wakala ya Mafunzo kwa njia ya Mtandao ilianzishwa mwaka 2011 chini ya Ofisi ya Rais Utumushi ikiwa na majukumu ya kutoa nafasi pekee ya kimataifa kwa ajili ya mafunzo ya maendeleo kwa Watanzania na kuwezesha ukuaji wa taaluma mbalimbali kupitia mitandao ya maendeleo duniani.

Imetolewa na:

Mkurugenzi Mtendaji

Wakala ya Mafunzo kwa Njia ya Mtandao

IFM, Block A, Ghorofa ya Chini

5 Mtaa wa Shaaban Robert

S.L.P 2287, Dar es Salaam

 

 

Hayo yalisemwa na Mkurugenzi Mtendaji wa Wakala ya Mafunzo kwa Njia ya Mtandao (TaGLA) Bw.   Charles Senkondo wakati wa hafla fupi iliyofanyika katika kumbi  za Wakala wakati wa kuadhimisha Siku ya Wanawake Duniani.

Bw. Senkondo aliainisha uwezo wa Wakala kama nyenzo ya kujenga uwezo kwa Wanawake kwa zaidi ya miaka 17 sasa ikitoa fursa za kushiriki katika mafunzo, midahalo na kuongeza ufanisi katika utendaji kwa kutumia teknolojia ya mikutano kwa njia ya video na maabara za Kompyuta.  Alieleza kuwa teknolojia hizi zinawezesha Wanawake kuepuka adha ya kuachana na familia zao ili kusafiri mbali au nje ya nchi, kushiriki mafunzo yaliyoandaliwa na mabingwa waliobobea duniani kwa gharama nafuu.

Pia alieleza kuwa kwa kutumia mtandao wa Wakala imewezekana  kuwashirikisha wanawake wengi zaidi katika maamuzi na kuboresha weledi katika uongozi.

Serikali kupitia Wizara ya Viwanda, Biashara na Uwekezaji (VBU) inajipanga kuanzisha Zahanati za Biashara nchini. Hayo yamesemwa na Naibu Waziri wa Viwanda, Biashara na Uwekezaji, Mh. Injinia Stella Manyanya wakati wa ufunguzi wa mfululizo wa vikao vya kazi (kwa njia ya Video) kati ya Wizara ya VBU, taasisi zilizopo chini ya Wizara ya VBU na Sekretarieti za Mikoa.

Akifafanua kuhusu Zahanati za Viwanda, Mh. Injinia Manyanya alisema biashara na uwekezaji, kama walivyo binadamu, zinahidaji kuwa na afya ili viweze kuwa na “afya” na kuleta matokeo yaliyotarajiwa. Hivyo Serikali kupitia Wizara, imedhamiria kuona biashara na viwanda vilivyoanzishwa havifi ili kutimiza azma ya Serikali kuwa na Tanzania ya Viwanda.

Wakati wa Vikao hivyo, Wakala ya Usajili wa Biashara na Leseni (BRELA) iliwasilisha mada kuhusu Milki Ubunifu na Maendeleo ya Viwanda, ambapo ilielezwa namna hataza (Ulinzi wa vumbuzi) inaweza kuchochea vumbuzi na maendeleo ya viwanda nchini.

Mikutano hii kwa njia ya video, imeratibiwa na Wakala ya Mafunzo kwa Njia ya Video (www.tagla.go.tz), ambapo vituo 7 viliungwanishwa kwenye awamu ya kwanza ya mfululizo wa mikutano hii. Vituo vilivyounganishwa ni pamoja na Dar es Salaam (Wakala ya Mafunzo kwa Njia ya Mtandao), Dodoma (TAMISEMI), Kilimanjaro, Kigoma, Lindi, Singida na Pwani.

Mahakama nchini imeendelea kutumia Teknolojia ya Habari na Mawasiliano (TEHAMA) katika shughuli zake mbalimbali, ambapo kwa siku mbili mfululizo mashauri tofauti yalisikilizwa kwa kutumia teknolojia ya mawasiliano kwa njia ya video (Video Conference).

Katika shauri la kwanza, Mahakama Kuu, Kitengo cha Biashara ilisikikila kesi namba 80 ya mwaka 2015 kwa kutumia teknolojia hii, ambapo shahidi muhimu katika shauri hili aliunganishwa kutoka nchini Kanada. Na katika shauri jingine, Mahakama Kuu ilisikiliza kesi ya madai (Civil Case) namba 225 ya mwaka 2013 ambapo shahidi wa kesi hii alikua nchini Uswisi (Switzerland), na mahakama zilihamia kwa muda kwenye kumbi za mikutano kwa njia ya video za Wakala ya Mafunzo kwa Njia ya Mtandao (TaGLA). 

Wakizungumza kwa nyakati tofauti majaji wanaosikiliza kesi hizi wamesema teknolojia hii itawezesha kusikilizwa kwa mashahidi na hatimae kumalizwa kwa mashauri hayo na mengine ambayo ni ya muda mrefu.

 Teknolojia ya mawasiliano kwa njia ya video, ni teknolojia inayowezesha washiriki kutoka vituo viwili au zaidi kuwasiliana kwa kuonana (video) na kusikilizana. Wakala ya Mafunzo kwa Njia ya Mtandao (TaGLA) imekua ikitoa huduma hizi tangu mwaka 2000 ambapo teknolojia hii imekua ikitumika kwa shughuli mbalimbali kama mikutano ya kawaida, kusikilizwa kwa kesi mbalimbali, usaili, uwasilisho wa miradi na maandiko, midahalo, mafunzo, kuonana na madakrari bingwa, n.k.

Mr. Charles Senkondo, Executive Director of TaGLA during certificate awarding session of Transformational Leadership for Women's Empowerment (TLWE) workshop  organised by TaGLA in collaboration with Skillfocus of Malaysia at TaGLA facilities in Arusha. Mr. Senkondo challenged participants from diverse organisations,  Tanzanian and regional ones to walk the talk, implenting the knowledge of what they have learnt during the workshop by empowering other women. He underpinned the need to empower women in order to tap into the potentials through empowernment of over 50% of the population that are women in attaining family, organisational , national and global economic and social goals.                        

On the right is Ms. Shanta Nagendram, Lead facilitator awarding certificate to Ms. Georgia Edmund who works with TaGLA as an Intern Auditor.

 

Katibu Mkuu, Wizara ya Katiba, Sheria, Utumishi wa Umma na Utawala Bora (Zanzibar), Yakout Hassan Yakout na ujumbe wake kutoka Serikali ya Mapinduzi Zanzibar (SMZ)  wametembelea Wakala ya Mafunzo kwa Njia ya Mtandao (TaGLA). Ziara hii ya Katibu Mkuu, inafuatia ziara iliyofanywa na Mkuregenzi Mtendaji na maofisa wengine wa Wakala kwenye taasisi mbalimbali za SMZ.

Lengo la ziara ya Katibu Mkuu, Yakout na ujumbe wake lilikua kujifunza na kujionea shughuli zinazofanywa na Wakala na kuangalia maeneo ya mashirikiano kati ya taasisi za Serikali ya Mapinduzi Zanzibar na Serikali ya Jamuhuri ya Muungano wa Tanzania. Katibu Mkuu, Bw. Yakout aliongazana na Ndg. Khamis H. Juma (Mkurugenzi wa Rasilimaliwatu), Ndg. Bakar K. Muhidin  (Mkurugenzi wa Uendeshaji) na Ndg. Shaibu Mwanzema (Mkurugenzi wa Maslahi).

Bw. Yakout alieleza kufurahishwa kwake na huduma zitolewazo na Wakala, hasa huduma za mawasiliano kwa njia ya video, ambapo alisisitiza umuhimu wa huduma hii haswa katika kuleta ufanisi wa utendaji kazi Serikalini na kupunguza matumizi haswa kwenye safari za kikazi na kimasomo. Nae Meneja wa Biashara (TaGLA) alimhakikishia Katibu Mkuu, Yakout kuwa TaGLA kwa kutumia uzoefu wa zaidi ya miaka 16 ilio nao katika maeneo ya mafunzo na teknolojia ya mawasiliano kwa njia ya video imejizatiti kushirikia na SMZ katika maeneo mbalimbali yatakayoamuliwa.

 

Ujumbe kutoka chuo cha Serikali Kenya (Kenya School of Government - KSG) wametembelea Wakala ya Mafunzo kwa njia ya Mtandao (TaGLA) kwa nia ya kujifunza na kubadilishana uzoefu na Wakala katika maeneo ya elimu/ mafunzo kwa njia ya mtandao na teknolojia ya mikutano kwa njia ya video.

Ujumbe huo kutoka Kenya unaongozwa na Mkuu wa Chuo hicho Dk. Ludeki Chweya,akiongozana na Kaimu Mkurugenzi wa Taasisi ya Mafunzo kwa Njia ya Mtandao na Maendeleo (eLearning and Development Institute) ya nchini Kenya, Ndg. Joseph Ndungu, iliyoko chini ya mwamvuli wa KSG.

Katika ziara yao ya siku mbili (2 - 3 Februari 2017) hapa nchini, ujumbe huu ulipata nafasi ya kujionea shughuli mbalimbali zinazofanywa na Wakala, lakini pia walipata nafasi ya kutembelea na kufanya mazungumzo na uongozi Chuo cha Usimamizi wa Fedha (IFM) na Chuo cha Utumishi wa Umma (TPSC). Wakuu wa taasisi zote wameona na kusisitiza umuhimu kuboresha mahusiano yaliyopo baina ya taasisi zao lakini pia kuanzisha maeneo mengine ya kushirikiana kwa manufaa ya taasisi zao na nchi zao kwa ujumla.

Umoja wa Madaktari Bingwa wa Mifupa Duniani (SICOT) ikishirikiana na Wakala ya Mafunzo kwa Njia ya Mtandao (TaGLA), umetoa elimu ya  kutoa huduma kwa majeruhi wa ajali kwa njia ya mtandao wa mafunzo kwa njia ya video. Umoja huo ulitoa elimu hiyo kwa kushirikiana na Madaktari Bingwa na wataalamu wa Mifupa kutoka nchi za Tanzania, Marekani, Pakistani na Brazil.

Akizungumza mara baada ya mafunzo hayo akiwa TaGLA, Dar es Salaam, Mratibu wa Umoja huo hapa nchini, Dk. Robert Mhina alisema kupitia mafunzo haya wameweza kujadili mambo mbalimbali yahusuyo ajali za barabarani. “Huwa tunajadili mada mbalimbali kama ajali za barabarani kwa kubadilishana uzoefu na Madaktari wa nchi nyingine kwa kutumia mtandao wa mafunzo kwa njia ya video, na wakati wote huwa tunazungumza na nchi kutoka mabara mengine ili kubadilishana uzoefu,”alisema.

Alisema madaktari hao huwa wanakubaliana katika kujadili mada na kujadili kuhusu mambo muhimu yanayohusu tiba ya mifupa huku wakipeana majukumu. “Kupitia vikao hivi hutusaidia sana hata kwa wale wanafunzi wanaojifunza Ubingwa kuona kitu gani kinaendelea duniani, bila gharama za kusafiri nje ya nchi” alisema Dk Mhina.

Alisema tayari Umoja huu inaangalia uwezekano wa kutoa nafasi kwa wanafunzi kutembela vituo kingine katika nchi hizo ili kuona na kuongeza uzoefu zaidi. “Mwaka huu kuna vikao kama sita hivi, kikao hiki ni mwazo tu,”alisema na kuongeza kuwa kupitia mkutano huo itawasaidia wananchi kwa kuboreshewa ufanyaji wa tiba sahihi za mifupa hivyo kupata huduma za matibabu zilizoboreshwa kutokana na ajali za barabarani.

Watoa mada katika mkutano huo uliofanyika kwa njia ya video walikuwa ni pamoja na Dk. Syed M. Avais wa King Edward Medical University, Dk. Robert D. Zura MD wa Louisiana State University Health Science Center na Dk. Robert I. Mhina, wa  Taasisi ya Mifupa Tanzania (MOI) kutoka nchini Tanzania.